ថ្លែងក្នុងសន្និសីទសារព័ត៌មាន នៅទីក្រុងហ្សាការតា លោកប្រធានាធិបតីឥណ្ឌូណេស៉ី Prabowo Subianto និយាយថាលោកបានទទួលយកការសុំលាលែងនេះ។ អនុប្រធានជាន់ខ្ពស់របស់ធនាគារកណ្តាល គឺលោកស្រី Destry Damayanti ត្រូវបានតែងតាំងជាប្រធានបណ្តោះអាសន្ន។ លោកស្រី Destry បាននិយាយថា លោក Perry លាលែងពីតំណែង ដោយសារតែហេតុផលផ្ទាល់ខ្លួន។ រដ្ឋមន្រ្តីនៃរដ្ឋលេខាធិការដ្ឋានប្រទេសឥណ្ឌូណេស៉ី លោក Prasetyo Hadi បានឱ្យដឹងនាថ្ងៃចន្ទ ទី២៧ ខែកក្កដា ឆ្នាំ២០២៦ ថាប្រធានធនាគារកណ្តាល លោក Perry Warjiyo បានសុំលាលែងពីតំណែង ខណៈអ្នកវិភាគនិយាយថា វាអាចបង្កក្តីបារម្ភក្នុងចំណោមវិនិយោគិន ជុំវិញឯករាជ្យភាពនៃធនាគារកណ្តាល និងការចាត់ចែងហិរញ្ញវត្ថុរបស់ប្រទេសនេះ។ នេះបើយោងតាមការចេញផ្សាយដោយទីភ្នាក់ងារព័ត៌មាន AFP។ រូបិយប័ណ្ណរូពៀ (rupiah) របស់ឥណ្ឌូណេស៉ី បានធ្លាក់ថ្លៃដល់ ០,៣២ភាគរយ មកនៅត្រឹម ១៧,៩៩២ ក្នុង ១ដុល្លារអាមេរិក បន្ទាប់ពីមានការប្រកាសនេះ ខណៈសន្ទស្សន៍ភាគហ៊ុនធំ JKSE ឡើង/ចុះ នៅក្នុងបរិយាកាសជួញដូរដែលមានសភាពប្រែប្រួលខ្លាំង។ នាយកប្រតិបត្តិវិទ្យាស្ថានសិក្សាផ្នែកសេដ្ឋកិច្ច និងច្បាប់ (Center of Economic and Law Studies) លោក Bhima Yudhistira Adhinegara លើកឡើងថា អ្វីដែលអាចទៅរួច ក្រោយការលាលែងរបស់លោក Perry គឺការចុះខ្សោយនៃឯករាជ្យភាពរបស់ធនាគារកណ្តាលឥណ្ឌូណេស៉ី ហើយថាការស្តារទំនុកចិត្តរបស់វិនិយោគិនឡើងវិញ មិនមែនជារឿងងាយស្រួលទេ ជាពិសេសនៅពេលដែលទិសដៅគោលនយោបាយរូបិយវត្ថុ ស្ថិតក្រោមការគ្រប់គ្រងរបស់ស្ថាប័នប្រតិបត្តិ៕

ព័ត៌មានទាក់ទង