ទំនាក់ទំនងរបស់ជប៉ុនជាមួយចិនបានធ្លាក់ចុះដុនដាប ចាប់តាំងពីលោកស្រី Takaichi កាលពីខែវិច្ឆិកា ឆ្នាំ២០២៥ បានលើកឡើងថាការវាយប្រហារណាមួយរបស់ចិនលើតៃវ៉ាន់ អាចនឹងជំរុញឱ្យ ជប៉ុនធ្វើអន្តរាគមន៍យោធា។ តាម Yomiuri Shimbun ដោយផ្អែកលើប្រភពពីក្រុមមន្ត្រីរដ្ឋាភិបាលជប៉ុនក្នុងលក្ខខណ្ឌមិនបញ្ចេញឈ្មោះ នៅឯកិច្ចប្រជុំកំពូលក្នុងទីក្រុងប៉េកាំង លោក ស៊ី ជីនពីង បានកត់សម្គាល់ថាលោកស្រី Takaichi និងមេដឹកនាំតៃវ៉ាន់ ​លោក Lai Ching-te បង្កការគំរាមកំហែងដល់សន្តិភាពក្នុងតំបន់ ហើយជំរុញឱ្យលោក ត្រាំ បញ្ឈប់ការគាំទ្រដល់មេដឹកនាំទាំង២។ កាសែតជប៉ុន Yomiuri Shimbun នៅថ្ងៃអាទិត្យ ទី២៤ ខែឧសភា ឆ្នាំ២០២៦ បានរាយការណ៍ថាប្រធានាធិបតីអាមេរិក លោក ដូណាល់ ត្រាំ បានការពារនាយករដ្ឋមន្ត្រីជប៉ុន លោកស្រី Sanae Takaichi នៅពេលដែលប្រធានាធិបតីចិន លោក ស៊ី ជីនពីង រិះគន់លោកស្រី ក្នុងកិច្ចប្រជុំកំពូលអាមេរិក-ចិន នៅឯទីក្រុងប៉េកាំងកាលពីពេលថ្មីៗនេះ។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters។ ប៉ុន្តែជាការឆ្លើយតប លោក ត្រាំ បានបង្ហាញទស្សនៈយល់ឃើញរបស់ថាលោកស្រី Takaichi មិនមែនជាប្រភេទមេដឹកនាំដែលសមនឹងទទួលរងការរិះគន់នោះទេ។ យ៉ាងណាក៏ដោយ ភ្លាមៗ មិនទាន់មានការអត្ថាធិប្បាយពីការិយាល័យនាយករដ្ឋមន្ត្រីជប៉ុន ក្រសួងការបរទេស ឬស្ថានទូតអាមេរិកប្រចាំទីក្រុងតូក្យូនៅឡើយទេ។ លោក ត្រាំ បានបើកកិច្ចសន្ទនាតាមទូរស័ព្ទជាមួយលោកស្រី Takaichi តែប៉ុន្មានម៉ោងប៉ុណ្ណោះ បន្ទាប់ពីរូបលោកបិទបញ្ចប់ទស្សនកិច្ចផ្លូវរដ្ឋរយៈពេល២ថ្ងៃ ទៅកាន់ប្រទេសចិនកាលពីសប្ដាហ៍មុន។ ក្នុងកិច្ចសន្ទនាតាមទូរស័ព្ទនោះ បើតាមលោកស្រី Takaichi រូបលោកស្រី និងលោក ត្រាំ បានគូសបញ្ជាក់ឡើងវិញពីសម្ព័ន្ធភាពទ្វេភាគីរឹងមាំដូចដែកថែប៕

ព័ត៌មានទាក់ទង