រាជធានីភ្នំពេញ៖កិច្ចប្រជុំ មានការអញ្ជើញចូលរួមពីឧកញ៉ា លូ ម៉េង សហប្រធានក្រុមការងារផ្នែកទេសចរណ៍ (ក្រុម «ខ»), ថ្នាក់ដឹកនាំក្រសួងទេសចរណ៍, អភិបាលរងនៃគណៈអភិបាលរាជធានី ខេត្ត, ប្រធានមន្ទីរទេសចរណ៍រាជធានី ខេត្តទាំង២៥, ឧកញ៉ា, លោក លោកស្រី មកពី ផ្នែកឯកជនពាក់ព័ន្ធទាំងអស់ដោយផ្ទាល់ និងតាមរយៈប្រព័ន្ធបញ្ជូនរូបភាពនិងសម្លេង (Zoom Meeting) សរុបប្រមាណ ១៥០នាក់។ លោក ហួត ហាក់ រដ្ឋមន្ត្រីក្រសួងទេសចរណ៍ នៅថ្ងៃទី៣ ខែមេសា ឆ្នាំ២០២៦ អញ្ជើញដឹកនាំកិច្ច ប្រជុំផែនការសកម្មភាពគន្លឹះយុទ្ធនាការទស្សនាកម្ពុជានៅរដូវកាលបៃតង ឆ្នាំ២០២៦ ក្នុងគោលបំណងពិនិត្យអំពីលទ្ធផលនៃការអនុវត្តយុទ្ធនាការទស្សនាកម្ពុជានៅរដូវកាលបៃតងឆ្នាំ២០២៥ ព្រមទាំងពិនិត្យ និងផ្តល់យោបល់លើផែនការសកម្មភាពគន្លឹះយុទ្ធនាការទស្សនាកម្ពុជានៅរដូវកាលបៃតង ឆ្នាំ២០២៦។ ថ្លែងក្នុងកិច្ចប្រជុំនេះ រដ្ឋមន្ត្រី ហួត ហាក់ បានលើកឡើងថា រាជរដ្ឋាភិបាលបានផ្តល់គោលការណ៍អនុញ្ញាតដ៏ខ្ពង់ខ្ពស់ ដាក់ចេញនូវយុទ្ធនាការទស្សនាកម្ពុជានៅរដូវកាលបៃតង កាលពីឆ្នាំ ២០២៥ ចាប់ពីខែឧសភា ដល់ខែតុលា។ លោករដ្ឋមន្ត្រី បានបន្ថែមថា ដោយពិនិត្យឃើញអំពីសារៈសំខាន់ និង លទ្ធផលប្រកបដោយផ្លែផ្កា កាលពីឆ្នាំ២០២៥, ទើប សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានផ្តល់គោលការណ៍អនុញ្ញាតដ៏ខ្ពង់ខ្ពស់ បន្តដាក់ចេញនូវយុទ្ធនាការទស្សនាកម្ពុជានៅរដូវកាលបៃតង នៅឆ្នាំ២០២៦។ អង្គប្រជុំរំពឹងថា តាមរយៈផែនការសកម្មភាពគន្លឹះដែលបានដាក់ចេញសម្រាប់ឆ្នាំ២០២៦ នឹងទាក់ទាញភ្ញៀវទេសចរជាតិដែលជាចលនាទេសចរផ្ទៃក្នុង និងភ្ញៀវទេសចរអន្តរជាតិបានកាន់តែច្រើននៅក្នុងអំឡុងពេលរដូវកាលបៃតង៕

ព័ត៌មានទាក់ទង