ទូកនោះធ្វើដំណើរពីកោះ Hon May Rut ទៅកាន់កំពង់ផែ An Thoi មុនពេលក្រឡាប់ក្នុងចម្ងាយប្រហែល ៤០០ម៉ែត្រពីច្រាំងចូលក្នុងសមុទ្រ។ មានមនុស្ស ៣៦ នាក់នៅលេីទូក ក្នុងនោះអ្នកទេសចរណ៍ឥណ្ឌា ៣២នាក់​ នាវិក ៣នាក់ និងសមាជិកបម្រើការម្នាក់។ មនុស្សចំនួន ២១នាក់បានរួចជីវិតពីគ្រោះថ្នាក់នេះ។ តាម VnExpress ស្ថានភាពទឹកសមុទ្រ មានរលកធំៗអំឡុងពេលមានឧប្បត្តិហេតុ។ កាសែត VnExpress បានរាយការណ៍ដោយដកស្រង់សម្តីអាជ្ញាធរមូលដ្ឋាន ថាយ៉ាងហោចណាស់អ្នកទេសចរឥណ្ឌា ១៥នាក់បានស្លាប់ ពេលដែលទូកមួយគ្រឿងបានលិចនៅឆ្នេរសមុទ្រភាគខាងត្បូង​ កោះ Phu Quoc ប្រទេសវៀតណាម នាថ្ងៃសៅរ៍ ទី១១ ខែកក្កដា ឆ្នាំ២០២៦។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters។ ស្ថានទូតឥណ្ឌាប្រចាំវៀតណាម ថាកំពុងតាមដានឧប្បត្តិហេតុនេះ ហើយបានបង្កើតមជ្ឈមណ្ឌលឆ្លើយតបបន្ទាន់នៅក្នុងទីក្រុងហូជីមិញ និងទីក្រុងហាណូយ ដើម្បីជួយគ្រួសារដែលរងផលប៉ះពាល់៕

ព័ត៌មានទាក់ទង