ខេត្តបន្ទាយមានជ័យ៖ ពិធីនេះ មានការអញ្ជើញចូលរួមពីសំណាក់សមាជិកព្រឹទ្ធ សមាជិករដ្ឋសភា, ថ្នាក់ដឹកនាំក្រសួង, ក្រុមប្រឹក្សាខេត្ត, លោក អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ និងជាប្រធានកម្មាធិការសាខាកាកបាតក្រហមកម្ពុជាខេត្តបន្ទាយមានជ័យ , ព្រះឧត្តមសីលញាណ ធុល សុធា ព្រះរាជាគណៈថ្នាក់កិត្តិយស និងជាព្រះមេគណខេត្ត, ព្រះ វ៉ា ចិន្តា ព្រះរាជាគណៈថ្នាក់កិត្តិយស និងជាព្រៈមេគណខេត្ត ព្រះសង្ឃ, សមាជិក សមាជិកា សាខាកាកបាតក្រហមកម្ពុជាខេត្តបន្ទាយមានជ័យ, យុវជនស្ម័គ្រចិត្តកាកបាទក្រហម និងយុវជនស្ម័គ្រចិត្តកាយឫទ្ធិ។ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ នៅថ្ងៃទី២៥ ខែឧសភា ឆ្នាំ២០២៦ បានអញ្ជើញជាអធិបតីក្នុងពិធីអបអរសាទរទិវាខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។ ជាកិច្ចចាប់ផ្ដើម លោក អ៊ុំ រាត្រី អភិបាលខេត្ត និងបានមានប្រសាសន៍ថា ការបង្កើតកាកបាតក្រហមកម្ពុជានេះឡើងមានសារៈសំខាន់ណាស់ ក្នុងវិស័យមនុស្សធម៌ដែលដឹកនាំដោយ សម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ជាប្រធានសាខាកាកបាតក្រហមកម្ពុជា សំរាប់ឆ្លើយតបសង្គ្រោះបន្ទាន់ដល់គ្រប់គ្រួសាររងគ្រោះដោយគ្រោះមហន្តរាយផ្យេងៗដូចជា ជួយដល់ ប្រជាពលរដ្ឋមានការខ្វះខាត ក្នុងគ្រាមានអាសន្ន ផលវិបាកនៃគ្រោះមហត្តរាយ អ្នកផ្ទុកមររោគអេដស៍ ជនពិការ កុមារកំព្រា ចាស់ជរាឥតទីពឹងជាដើមពិសេសគឺជនភៀសសឹក មិនប្រកាន់និន្នាការនយោបាយថាបក្សនេះបក្សនោះឡើយ។ លោក បានបញ្ជាក់ទៀតថា គ្រឹះសំខាន់ខ្លាំងរបស់កាកបាទក្រហមមាន៧យ៉ាង ភាពមនុស្សធម៌ ភាពមិនលំ លៀង អព្យាករឹតភាព ឯករាជ្យ សេវាកម្មស្ម័គ្រចិត្រ ឯកភាព សកលភាព សាខាកាកបាទក្រហមកម្ពុជាខេត្តបន្ទាយមានជ័យ សព្វថ្ងៃនេះកំពុងពង្រឹងកម្លាំង មនុស្សធម៌ វប្បធ៌ចែករំលែក ដើម្បីឱ្យសាខា និងអនុសាខាទាំងអស់មានលទ្ធភាពគ្រប់គ្រាន់ ក្នុងការផ្តល់សេវាកម្មមនុស្សធម៌ឲ្យកាន់តែមានប្រសិទ្ធភាពខ្ពស់បន្ថែមទៀត។ លោក អ៊ុំ រាត្រី បានបញ្ជាក់ទៀតថាឆ្នាំនេះខេត្តបន្ទាយមានជ័យសប្បុរសជនក្នុងស្រុក ចូលរួមថវិកាក្នុងវិស័យកាកបាទក្រហមកម្ពុជាបានចំនួន១៨០.០០០ដុល្លា។ នាឱកាសនោះដែរ លោក ឌិត ទីណា បានថ្លែងអំណរគុណចំពោះសប្បុរសជនទាំងអស់ ដែលបានចូលរួមជាកំលាំង មនុស្សធម៌ ជាមួយកាកបាទក្រហមកម្ពុជា ដើម្បីចូលរួមសម្រាលទុក្ខលំបាករបស់អ្នករងគ្រោះ និងអ្នកងាយរងគ្រោះ ពិសេសអ្នករងគ្រោះដោយគ្រោះថ្នាក់មហន្តរាយផ្សេងៗ និងបងប្អូនជនភៀសសឹក ដោយពុំមានការរើសអើងបែងចែក ពូជសាសន៍ ជំនឿសាសនា ឬនិន្នាការនយោបាយណាមួយឡើយ។ លោក បាននាំនូវសារផ្ដាំផ្ញើសាកសួរសុខទុក្ខពីសំណាក់សមេ្តចកិត្តិព្រឹត្តបណិ្តត ប៊ុន រ៉ានី ហ៊ុនសែន ជូនដល់បងប្អូនក្រីក្រ ចាស់ជរា ជនពិការស្រ្តីមេម៉ាយ ជនភៀសសឹក ដែលរយៈកន្លងមក សម្តេច តែងតែគិតគូរពីសុខទុក្ខប្រជាពលរដ្ឋ រងគ្រោះគ្រប់ទីច្រកល្ហកទូទាំងប្រទេស។ នេះជាសក្ខីភាព ជាក់ស្តែងបញ្ជាក់នូវការយកចិត្តទុកដាក់ ចំពោះសុខទុក្ខប្រជាពលរដ្ឋកំពុងជួបលំបាក មិនថានៅទីណាកន្លែងណា កាកបាតក្រហមកម្ពុជា តែងតែឆ្លើយតប និងផ្តល់ជាអំណោយទាន់ពេលវេលា។ ជាមួយគ្នានេះដែរ លោក ឌិត ទីណា បានបញ្ជាក់ទៀតថា កាយវិការ និងសន្ដានចិត្តប្រកបដោយមនុស្សធម៌ពេលនេះបានលើកទឹកចិត្ត មិនត្រឹមតែបងប្អូនមានជីវភាព ក្រីក្រ ចាស់ជរា មានជំងឺប្រចាំជនភៀសសឹក កាយប៉ុណ្ណោះទេ គឺជាសារមួយបញ្ជាក់ឲ្យឃើញយ៉ាងច្បាស់ អំពីមនុស្សធម៌និងស្មារតីមនុស្សជាតិ ដែលសាខាកាកបាទក្រហមធ្លាប់បានអនុវត្តកន្លងមក ក៏ដូចជាទៅអនាគតស្របតាមអនុសាសន៍ណែនាំជាប្រចាំពីសម្ដេចកិត្តិព្រឹបណ្ឌិត ប៊ុន រ៉ានី ហ៊ុន សែន និងបន្តអនុវត្តជាប់ជានិច្ចតទៅមុខ៕

ព័ត៌មានទាក់ទង