ក្នុងឱកាសនោះដែរ លោកបាននាំយកនូវសម្ភារ:ឧបត្ថម្ភគ្រឿងឧបភោគ បរិភោគ ប្រគល់ជូនដល់គេហដ្ឋាន ក្នុងឱកាសអបអរសាទរខួបអនុស្សាវរីយ៍លើកទី១១៥ ទិវាអន្តរជាតិនារី ៨ មីនា ឆ្នាំ២០២៦ ក្រោមប្រធានបទ «សន្តិភាព និងសន្តិសុខសម្រាប់ស្ត្រី និងគ្រួសារ»។ អនុវត្តតាមគោលការណ៍ដឹកនាំរបស់នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស នៅថ្ងៃទី៤ ខែមីនា ឆ្នាំ២០២៦នេះ លោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ បានដឹកនាំមន្ត្រីក្រោមឱវាទ ចុះជួបសំណេះសំណាល សួរសុខទុក្ខដល់គ្រួសារកងរាជអាវុធហត្ថ របួសពិការ និងទីទាល់ក្រ ព្រមទាំងយោធិនដែលមានជំងឺសម្រាកព្យាបាល និងអតីតយោធិន នៃកងរាជអាវុធហត្ថចូលនិវត្តន៍ មានជីវភាពខ្វះខាត ចំនួន១០គ្រួសារ។ អំណោយដែលបានឧបត្ថម្ភនាពេលនោះ ១គ្រួសារទទួលបាន អង្ករ២បាវ ស្មើនឹង៤០គីឡូក្រាម, មីខ្លាឃ្មុំ ចំនួន២កេសតូច, ទឹកត្រីចំនួន១យួរ, ទឹកស៊ីអ៊ីវចំនួន១យួរ, ទឹកសុទ្ធចំនួន១កេស និងថវិកាចំនួន ៤០ម៉ឺនរៀល៕

ព័ត៌មានទាក់ទង